लाइसेन्स भएका हातहतियार इजाजत बाहकको घरभन्दा बाहिर लैजान नपाइने

काठमाडौं । कानुन बमोजिम इजाजत पत्र पाएपनि यात्रा अनुमति नलिएका हतियार बाहकलाई घर बाहिर लैजान रोक लगाइएको छ ।

बिहीबार बसेको मन्त्रिपरिषद् बैठकले यात्रा अनुमति प्राप्त नगरेका हातहतियार इजाजत बाहकको घर बाहिर लैजान नपाइने निर्णय गरेको हो ।

यात्रा इजाजत प्राप्त गरेका हातहतियार समेत तोकिएको स्थानमा लैजान नपाउने गरी निषेध गर्ने निर्णय पनि भएको छ ।

हातहतियार खरखजाना ऐन–२०१९ को संशोधित व्यवस्था २०७४ अनुसार निश्चित स्थानमा मात्र बोक्न पाउनेगरी इजाजतपत्र दिने व्यवस्था छ ।

तोकिएको ठाउँभन्दा बाहेक अन्यत्र हतियार लैजानुपर्दा हरेक पटक प्रमुख जिल्ला अधिकारीसँग ‘यात्रा अनुमति’ लिनुपर्ने कानुनी व्यवस्था छ ।

प्रतिक्रिया दिनुहोस्

नयाँ अपडेट