काठमाडौं । जनता समाजवादी पार्टी (जसपा), नेपालमा तटस्थ बसेको समूहले आज छुट्टै मोर्चा घोषणा गर्ने भएको छ ।

जसपा फुटेपछि तटस्थ बसेको पूर्वलिम्बुवान नेता खगेन्द्र माखिमको समूहले आज पहिचानवादी मोर्चा घोषणा गर्न लागेको हो ।

आज दिउँसो १२ बजे काठमाडौँस्थित रिपोटर्स क्लबमा कार्यक्रम आयोजना गरी मोर्चा घोषणा गरिने बताइएको छ ।

यसअघि माखिमले संघीय लिम्बुवान राज्य परिषद्‌लाई जसपासँग एकता गराएका थिए।

उपप्रधान तथा स्वास्थ्यमन्त्री उपेन्द्र यादव नेतृत्वको जसपा नेपाल विभाजन भएर अशोक राईको अध्यक्षतामामा ‘जनता समाजवादी पार्टी’ निर्वाचन आयोगमा दर्ता भइसकेको छ ।