काठमाडौं । भारतका प्रधानन्यायाधीश धनञ्जय यशवन्त चन्द्रचुड नेपाल भ्रमणमा आएका छन् ।

नेपालका प्रधानन्यायाधीश विश्वम्भरप्रसाद श्रेष्ठको निमन्त्रणामा भारतका प्रधानन्यायशीश चन्द्रचुड नेपाल आएका हुन्।

चन्द्रचुडलाई स्वागत गर्न सर्वोच्च अदालतका न्यायाधीश आनन्दमोहन भट्टराई, भारतीय राजदूत नवीन श्रीवास्तव लगायतका व्यक्तिहरु त्रिभुवन अन्तर्राष्ट्रिय मिवमानस्थल पुगेका थिए ।

उनले शनिबार काठमाडौंमा केन्द्रीय बाल न्याय समितिले आयोजना गर्ने कार्यक्रममा मुख्य वक्ताको रुपमा प्रस्तुति दिनेछन् ।

साथै, चन्द्रचुड र श्रेष्ठबीच द्विपक्षीय भेटवार्ता हुने कार्यक्रम छ । उनी आइतबार बेलुकी भारत फर्कने छन् ।