एजेन्सी । रुसले मस्कोको एक कन्सर्ट हलमा भएको आक्रमणमा संलग्नताको आरोपमा चारजना संदिग्धविरुद्ध मुद्दा चलाएको छ ।

१३७ जनाको मृत्यु हुने गरी भएको आक्रमणमा संलग्न भएको आशंकामा पक्राउ परेका ११ मध्ये चारजनालाई मस्कोको एक अदालतमा पेश गरिएको हो ।

अदालतमा पेश गरिएका चार अभियुक्तको नाम सार्वजनिक गरे पनि उनीहरू कहाँका हुन् भन्ने बताइएको छैन।

अदालतमा पेश गर्दा सबैको आँखामा बाक्लो पट्टी बाँधिएको र एक व्यक्तिलाई ह्वील चेयरमा रोखेर ल्याइएको बताइएको छ ।