सर्लाही । सर्लाहीमा साइकल यात्रीलाई ठक्कर दिएको बसलाई स्थानीयले जलाइदिएका छन् ।

मलंगवातर्फ जाँदै गरेको ग२ख १४४० नम्बरको बसले कविलासी नगरपालिका-१० सलेमपुरमा स्थानीय जुगल महतोलाई साढे १० बजेतिर ठक्कर दिएको हो ।

महतो गम्भीर घाइते भएपछि प्रादेशिक अस्पताल मलंगवा लगिएको थियो तर सामान्य उपचारपश्चात काठमाडौं रेफर गरिएको प्रहरीले जनाएको छ ।

दुर्घटनापछि आक्रोशित स्थानीयले बसमा आगो लगाइदिएका छन् ।

आगजनीबाट बसमा पूर्णरुपले क्षति पुगेको छ ।बसका चालक प्रहरीको नियन्त्रणमा छन्।