काठमाडौं । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले सबै राष्ट्रवादीहरुले एकठाउँमा उभिएर जानुको विकल्प नरहेको बताएका छन् ।

मंगलबार बिहान सामाजिक सञ्जाल फेसबुकमार्फत उनले सबै राष्ट्रवादीहरुले एउटै मोर्चा बनाएर जानुपर्ने बताएका हुन् ।

उनले भ्रष्ट शासकहरु समक्ष निबेदन दिएर, ज्ञापनपत्र बझाएर, अनुनय विनय गरेर राजसंस्था र हिन्दुराष्ट्र स्थापना नहुने बताए ।

उनले लेखेका छन्, ‘भ्रष्ट शासकहरु समक्ष निबेदन दिएर, ज्ञापनपत्र बझाएर, अनुनय विनय गरेर राजसंस्था र हिन्दुराष्ट्र स्थापना हुँदैन, हुनसक्दैन । गत १७ वर्ष हामीले त्यो अभ्यास गरिसकेका छौं । त्यो प्रयास काम लागेन । अझ एक्लैएक्लै वा आ-आफ्नो ढंगबाट आन्दोलन गरौँ भन्नु प्रकारान्तरले भ्रष्ट व्यवस्थालाई निरन्तरता दिनु हो । राजसंस्था र हिन्दुराष्ट्र स्थापनाको आन्दोलनलाई तुहाउने काम गर्छ। त्यसैले सबै राष्ट्रवादीहरुले एकठाउँमा उभिएर, एउटै मोर्चा बनाएर जानुपर्छ, अर्को विकल्प छैन ।’