दाङ । नेकपा (एकिकृत समाजवादी) का अध्यक्ष माधवकुमार नेपालले प्रमुख प्रतिपक्ष नेकपा एमालेबाट लोकतन्त्रमाथि खतरा रहेको दाबी गरेका छन् ।

दाङको लमहीमा भएको क्षेत्रिय भेलालाई सम्बोधन गर्दै अध्यक्ष नेपालले लोकतन्त्रको रक्षाका लागि गठवन्धनको आवश्यकता अझै रहेको बताउँदै यस्तो दावी गरेका हुन् ।

उनले नेपालको लोकतन्त्रको रक्षाका लागि अझै पनि सत्ता गठवन्धनका दलहरु मिलेर र एकता कायम राखेर जान जरुरी रहेको बताए ।

उनले लोकतन्त्रवादीहरु एकजुट भएर सजग हुनुपर्ने बताए । नेपालको लोकतन्त्र रक्षाका लागि गठवन्धन बनेको भन्दै यो लामो समय जानुपर्ने आवश्यकता रहेको र जाने पनि उनको भनाई छ ।