झापा। नेपाल इन्भेष्टमेन्ट मेगा बैंक (एनआईएमबी)का सहायक म्यानेजरमाथि दुर्गा प्रसाईंका समर्थकले अभद्र व्यवहार गरेका छन्।

नेपाल इन्भेष्टमेन्ट मेगा बैंक झापाका सहायक म्यानेजर दिनेश पनेरुमाथि प्रसाईंका समर्थकले अभद्र व्यवहार गरेका हुन् ।

लोनको विषयबारे छलफल गर्नुपर्ने भन्दै प्रसाईं समर्थक देवी संग्रौलासहितको समूहले पनेरुलाई बैंकबाट जबरजस्ती बोलाएर एक चिया पसल पुर्‍याएका थिए ।

त्यहाँबाट समेत उनलाई झापास्थित प्रसाईंको अस्पताल बीएण्डसीमा लैजान खोज्दा नमानेपछि अभद्र व्यवहार गरेका थिए ।

सो घटनापछि प्रहरीले दुवै पक्षलाई जिल्ला प्रहरी कार्यालय झापामा राखेको छ ।