काठमाडौं । इजरायलका राष्ट्रपति इसाक हर्जोगले हमासको आक्रमणमा बेपत्ता भएका नेपाली विद्यार्थी विपीन जोशीको खोजी गर्ने प्रतिबद्धता जनाएका छन् ।

इजरायलका लागि नेपाली राजदूत कान्ता रिजालले विपीनको खोजीका लागि गरेको आग्रहमा राष्ट्रपति हर्जोगले जोशीको खोजीमा कुनै कसर बाँकी नराख्ने प्रतिबद्धता जनाएका हुन् ।

राष्ट्रपति निवासमा करिब एक घण्टासम्म चलेको भेटमा राजदूत रिजालले विपीनको खोजीका लागि इजरायलबाट नेपालले अझै सार्थक प्रयासको अपेक्षा गरेको बताएकी थिइन् ।

जवाफमा राष्ट्रपति हर्जोगले घाइतेहरूको उपचारको व्यवस्था इजरायल सरकारले गर्ने र हराइरहेका विपीनको खोजीमा कुनै कसर बाँकी नराख्ने प्रतिबद्धता जनाए ।