काठमाडौं । तीन वर्षपछि जापानको आइची नागोयामा भेट्ने बाचा गर्दै चीनको हाङझाउमा जारी एसियाली खेलकुदको महाकुम्भ १९औं एसियाली खेलकुद (एसियाड) सम्पन्न भएको छ ।

हाङझाउ स्थित ओलम्पिक स्पोर्ट्स सेन्टर स्टेडियममा आइतबार साँझ भब्य समारोहबिच एसियाडको समापन गरिएको हो ।

समापन समारोहमा सन् २०२६ मा आयोजना हुने २०औं संस्करण लागि ओलम्पिक काउन्सिल अफ एसियाका एक्टिङ प्रसिडेन्ट राजारणधीर सिंहले जापानको आइचीका गर्भनर हिदेकी ओमुरा र नागोयाका डेपुटी मेयर हिदेओ नाकातालाई ओलम्पिक काउन्सिल अफ एसियाको झण्डा हस्तान्तरण गरे ।

१९औँ संस्करकण समापन भएको घोषणा भने चीनका प्रधानमन्त्री लि च्याङले गरेका थिए ।