Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
पाल्पा । तीजमा नाच्ने क्रममा भएको विवादपछि पाल्पामा कुटपिटबाट एक जनाको मृत्यु भएको छ । जिल्लाको तिनाउ गाउँपालिका २ स्थित घोडेबासमा तीजमा नाच्ने क्रममा भएको विवादपछि कुटपिटबाट २४ वर्षीय सुनिल खत्रीको मृत्यु भएको हो ।
कुटपिटबाट घाइते भएका उनलाई राति नै उपचारको लागि लुम्बिनी प्रादेशिक अस्पताल बुटवल पुर्याइएको थियो । तर, अस्पताल पुर्याएलगत्तै चिकित्सकले उनलाई राति पौने २ बजे मृत घोषणा गरेको जिल्ला प्रहरी कार्यालय पाल्पाले जनाएको छ ।
प्रहरीका अनुसार राति साढे १० बजे तीज नाच भइरहेको अवस्थामा खत्री र उनका साथीहरूबीच सामान्य झगडा भएको थियो । त्यही झगडालाई लिएर राति सवा १२ बजे उनीहरूबीच पुनः कुटाकुट भएको बताइएको छ ।
झगडा तथा कुटपिटमा संलग्न रहेको आरोपमा प्रहरीले चार जनालाई नियन्त्रणमा लिएर अनुसन्धान थालेको छ ।
© 2026 All right reserved to onlinenepal.com
Design & Developed By
