काठमाडौं । पूर्वउपप्रधान एवं गृहमन्त्री वामदेव गौतमले आफू नेकपा (माओवादी केन्द्र) मा जान नसक्ने बताएका छन् ।

नेकपा एमाले र नेकपा (एकीकृत समाजवादी) पार्टीमा जानसक्ने बताएका छन् । बुधवार काठमाडौंमा आयोजित पत्रकार सम्मेलनमा बोल्दै उनले यस्तो बताएका हुन् ।

उनले आफू नेकपा एमाले र नेकपा (एकीकृत समाजवादी) पार्टीमा जानसक्ने तर नेकपा माओवादी केन्द्रमा जान नसक्ने बताए ।

त्यस्तै उनले जनयुद्ध कालमा राम्रा काम पनि भएका र नराम्रा काम पनि भएको भन्दै प्रधानमन्त्री दाहालले जनयुद्धका पीडितका घरघरमा पुगेर माफी माग्न नगएसम्म आफू माओवादीको पार्टी सदस्यता लिन नसक्ने स्पष्ट पारे ।

राजनीतिक व्यक्तिको हत्या गर्नु माक्र्सवाद नभइ गल्ती भएको उनको जिकिर छ ।