वीरेन्द्रनगर । नेकपाका महासचिव नेत्रविक्रम चन्द ‘विप्लव’ले एमसीसी नेपालको हितमा नरहेको दाबी गरेका छन् ।

समाजवादी मोर्चाको कर्णाली प्रदेशस्तरीय सभालाई सम्बोधन गर्दै उनले यस्तो बताएका हुन् । उनले एमसीसीले देशलाई युक्रेन बनाउने बताउँदै यसलाई नेपालले स्वीकार गर्न नहुने बताए ।

अमेरिकाले अनुदानका नाममा नेपालमाथि हस्तक्षेप गर्न थालेको उनको आरोप छ । ‘नेपालको हित विपरित ५० अर्बको अनुदान नेपालीलाई आवश्यक छैन। यसले देशलाई नै ध्वस्त बनाउँछ,’ उनले भने ।

एमसीसीविरूद्व आफूहरू सडकमा आइसकेको बताउँदै उनले यसलाई कुनै पनि हालतमा कार्यान्वयन हुन नदिने दाबी गरे ।