काठमाडौं । सदनको अवरोध हटाउने विषयमा सभामुख देवराज घिमिरेसहित शीर्ष नेताहरूको बैठक बालुवाटारमा जारी छ ।
तर, बैठकबाट नेपाली कांग्रेसका सभापति शेरबहादुर देउवा र प्रमुख सचेतक रमेश लेखक बाहिरिएका छन् ।
दुई घण्टादेखि छलफल बैठकमा अहिलेसम्म कुनै सहमति नभएपछि उनीहरु बाहिरिएका हुन् ।
अहिले प्रधानमन्त्री पुष्पकमल दाहाल, सभामुख देवराज घिमिरेसहित एमालेका अध्यक्ष केपी शर्मा ओली, उपाध्यक्ष सुवास नेम्वाङ र सचेतक महेश बर्तौला र माओवादीका प्रमुख सचेतक हितराज पाण्डे छलफलमा छन् ।
एमालेले सुन प्रकरणमा उच्चस्तरीय छानबिन समिति बनाउन माग गर्दै सदन अवरोध गर्दै आइरहेको छ ।