काठमाडौं । समाजवादी विद्यार्थी मोर्चाको गठन र घोषणा आज हुँदैछ ।

ललितपुरको च्यासलस्थित हिमालयन कलेज अफ इन्जिनियरिङमा मध्यान्ह १२ बजे विद्यार्थी मोर्चाको घोषणा गरिन लागिएको हो ।

घोषणासभामा प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, नेकपा (एकीकृत समाजवादी) का अध्यक्ष माधवकुमार नेपाल, जनता समाजवादी पार्टी (जसपा) का अध्यक्ष उपेन्द्र यादव र नेपाल कम्युनिस्ट पार्टीका महासचिव नेत्रविक्रम चन्द ‘विप्लव’लगायत नेताहरूले सम्बोधन गर्नेछन् ।

‘समाजवाद र समाजवादी शिक्षाका आधार’ विषयक कार्यक्रमका साथ विद्यार्थीको मोर्चा घोषणा हुन लागेको हो ।