काठमाडौं । अनेक स्टन्टबाजी गरेर चर्चामा आइरहने संस्कृति, पर्यटन तथा नागरिक उड्ययनमन्त्री सुदन किराती बिवादमा फसेका छन् । पर्यटनमन्त्री किरातीले प्रदेशको नाम नलेखेर संविधानको उल्लङ्घन गरेको भन्दै नेकपा एमालेले संसद संसद बैठकमा बिरोध जनाएको हो ।

पर्यटनमन्त्री किरातीले मन्त्रालयको बजेट विनियोजन पुस्तकमा प्रदेशहरूका नाम नलेखी ‘कोशी’ प्रदेशको नाम गायब पारेपछि एमाले सांसदहरु बिरोधमा उत्रिएका छन् । प्रदेश सभाले बहुमतले पारित गरेको कोशी प्रदेशको नाम बजेट पुस्तकमा नहुनु संविधान विरोधी काम भएको एमाले सांसदहरुले आरोप लगाए ।

अर्को पनि पढ्नैपर्ने

पर्यटनमन्त्री किरातीलाई सूर्य थापाको प्रश्न – पहिचानवादीको ह्याङ्ओभरबाट प्रदेशको नाम अस्वीकार गरेको हो ?

पर्यटन मन्त्रालयको विनियोजन पुस्तकमा प्रदेशका नाम अंकमा नभई प्रदेशसभाबाट पारित भएअनुसार राख्न भनी प्रतिनिधिसभाले असार ३ गते फिर्ता पठाएको थियो ।सभामुख देवराज घिमिरेले त्यसलाई सच्याएर ल्याउन रुलिङ गरेका थिए ।

पर्यटनमन्त्री किरातीले विनियोजन विधेयकमाथिको छलफलको सिलसिलामा संस्कृति, पर्यटन तथा नागरिक उड्डयन मन्त्रालयको बजेट विनियोजनको सन्दर्भमा प्रदेशको नाम उल्लेख नभई अंकमा लेखिन गएको र त्यसलाई सुधारेर सदनसमक्ष र माननीयज्यूको हातमा फेरि दिने भनेका थिए ।

तर, अटेरी पर्यटनमन्त्री किरातीले भने मन्त्रालयको विनियोजन पुस्तकबाट प्रदेशहरूका नाम नै हटाएर पुनः सांसदहरूलाई वितरण गरेका छन् ।

अर्को पनि पढ्नैपर्ने

पर्यटनमन्त्री किरातीले कोशी प्रदेशको नाम उल्लेख नगरेको भन्दै एमाले सचेतक बर्तौलाको नियमापत्ति

मंगलबारको बैठकमा पर्यटन मन्त्रालयको विनियोजन पुस्तकबाट सबै प्रदेशका नाम हटाइएको भन्दै एमाले सांसद सूर्य थापाले आपत्ति जनाएपछि फेरी प्रतिनिधि सभाको बैठक रोकिएको छ ।

पर्यटनमन्त्री किराती र सहरी विकास मन्त्री हिरा गुरुङका कारण प्रतिनिधिसभामा विनियोजन विधेयकमाथि मन्त्रालयगत रुपमा भइरहेको छलफल प्रभावित बनेको छ ।