धनगढी । प्रमुख प्रतिपक्षी दल नेकपा एमाले सुदूरपश्चिमले प्रमुख सचेतकमा सुरेन्द्र पाललाई मनोनीत गरेको छ।

आइतबार बसेको संसदीय दलको बैठकले प्रमुख सचेतकमा सुरेन्द्र पाललाई चयन गरेको हो। त्यस्तै सचेतकमा निर्मलादेवी साउदलाई चयन गरेको छ।

एमाले बैतडी जिल्ला कमिटि अध्यक्ष समेत रहेका पाल गत मंसिर ४ मा भएको निर्वाचनमा बैतडीको प्रदेशसभा १ बाट निर्वाचित भएका थिए।

साउद भने डोटीबाट समानुपातिक प्रणालीबाट प्रदेशसभा सदस्यमा चयन भएकी थिइन् ।