काठमाडौं । भारतीय नयाँ संसद् भवनमा राखिएको ‘अखण्ड भारत’को नक्सालाई लिएर अब नेपाल र बंगलादेशले विवाद नगर्ने भारतले दाबी गरेको छ ।

बिहीबार भारतीय विदेशमन्त्री एस जयशंकरले नयाँ संसद् भवनमा राखिएको नयाँ नक्साबारे नेपालसहित बंगलादेशले पनि बुझिसकेको टिप्पणी गरेका हुन् ।

उनले ‘अखण्ड भारत’को नक्सा राजीनितक विषय नभएको पनि दाबी गरे । पत्रकारले उनलाई नेपाल, बंगलादेश र पाकिस्तानले नक्साबारे जनाएको असन्तुष्टिलाई लिएर प्रश्न गरेकी थिइन् ।

‘मित्र देशहरु नेपाल र बंगलादेशले अब विवाद गर्ने छैनन्। उक्त नक्साको मुनि अशोका इम्पायरका बेलाको विवरण लेखिएको छ। यो केवल सांस्कृतिक कुरा मात्रै हो। यसलाई राजनीतिक विषय बनाउनु जरुरी नै छैन’, विदेशमन्त्री एस जयशंकरले भने ।