Jun 10 2026 | २०८३, जेठ २७ गते
10 Jun 2026 | बुधवार, जेठ २७ गते २०८३
बुधवार, जेठ २७ गते २०८३
Jun 10 2026 | २०८३, जेठ २७ गते
10 Jun 2026 | बुधवार, जेठ २७ गते २०८३
सप्तरी । राजविराज नगरपालिका-११ का वडा अध्यक्ष उदित नारायण यादव बिहीबार धरौटीमा रिहा भएका छन् ।
झुटो विवरण पेस गरी नेपाली नागरिकता दिलाएको आरोप लागेका वडा अध्यक्ष यादव एक लाख रुपैयाँ धरौटी राखेर पुर्पक्षका लागि तारेखमा रिहा भएका हुन् । सप्तरी जिल्ला अदालतका न्यायाधीश हरिश्चन्द्र इङ्गनामको आदेशले उनलाई धरौटी राखेर पुर्पक्षका लागि तारेखमा रिहा गरेको हो ।
यस्तै सरजमिन मुचुल्कामा बसेका सोही वडाका राधेश्याम यादवलाई २५ हजार रुपैयाँ धरौटीमा रिहा गरिएको अदालतका सूचना अधिकारी भरतमणि पोखरेलले जानकारी दिए ।
जनप्रतिनिधि, कर्मचारी, प्रहरी, स्थानीयसहित २६ जनाविरुद्ध पक्राउ पुर्जी जारी भएपछि वडा अध्यक्ष यादव र स्थानीय राधेश्याम यादव बिहीबार अदालतमा हाजिर भएका थिए ।
नेपाली नागरिकता लिने भारत घर भएका सतिश यादव र उनलाई छोरा बनाएर नागरिकता दिलाउने राजविराज नगरपालिका(११ का सूर्यनारायण यादव बुधबार एक-एक लाख रुपैयाँ धरौटीमा रिहा भएका थिए।
सूर्यनारायणले नाती नाता पर्ने भारतीय नागरिक सतिशलाई छोरा बनाई गत फागुन २१ गते जिल्ला प्रशासन कार्यालय सप्तरीबाट नागरिकता दिलाएको आरोप छ।
© 2026 All right reserved to onlinenepal.com
Design & Developed By
