मकवानपुर । कांग्रेस नेतृ आरजु राणाले नेपालमा महिलामैत्री वातावरण नभएको बताएकी छिन् ।

हेटौंडामा बिहीबार प्रदेश नीति तथा योजना आयोगले गरेको कार्यक्रममा राणाले यस्तो बताएकी हुन् । उनले कुनै पनि ठाउँमा महिलामैत्री वातावरण नभएको बताइन् ।

‘काहीँ पनि महिलामैत्री वातावरण छैन। चाहे त्यो राजनीतिमा होस्, चाहे त्यो सामाजिक क्षेत्रमा होस् जहाँ पनि । यो भन्दैमा महिलाहरु डराएर आफूलाई लुकाएर राख्ने होइन,’ उनले भनिन् ।

प्रदेश सरकारले युवा लक्षित कार्यक्रम अन्तर्गत बालिका, किशोरी र महिला लक्षित कार्यक्रम बनाउनुपर्नेमा उनको जोड छ ।