काठमाडौं । राष्ट्रिय सभाका अध्यक्ष गणेशप्रसाद तिमिल्सिना र कम्बोडियाका समकक्षी सिनेटका अध्यक्ष समदेक विभोलेस्ना फेकदेक चे सुमसँग भेटवार्ता भएको छ ।

उनीहरुबीच सोमबार दिउँसो सिनेट कार्यालय, रातोघरमा शिष्टाचार भेट भएको हो ।

भेटमा अध्यक्ष तिमिल्सिनाले दुई देशबीचको पाँच दशक लामो दौत्य सम्बन्धको चर्चा गर्दै कम्बोडिया र नेपालले संयुक्त राष्ट्रसंघ, आइपियुलगायतका निकायमा हुने प्रतिनिधित्व र मुद्दामासमेतमा सहयोग र सहकार्य भईरहेको उल्लेख गरे।

त्यस्तै, कम्बोडियन सिनेटका अध्यक्ष सुमले दुई देशबीचको सम्बन्ध विभिन्न समयमा फरक फरक रूपमा प्रस्तुत भएको उल्लेख गर्दै दुइ देशबीचको साझा हितका विषयमा सहकार्य गरेर अगाडि बढ्ने प्रतिबद्धता व्यक्त गरेका छन् ।

अध्यक्ष तिमिल्सिनाले कम्बोडियाका प्रधानमन्त्रीलाई मानार्थ विद्यावारिधी तथा वर्ल्ड फेलोसिप अफ बुद्धिष्टको संरक्षक (प्याट्रोन) को उपाधी प्रदान गर्ने कार्यक्रममा सहभागी भएर बधाई दिने कार्यक्रम रहेको छ।