काठमाडौं । नेपालका स्पिनर सन्दीप लामिछानेले यूएईका ब्याटर रोहन मुस्तफा मैदानभित्र आफूहरू प्रतिस्पर्धी र मैदानबाहिर साथी भएको बताएका छन् ।

मङ्गलवार सामाजिक सञ्जालमा मुस्तफासँगको तस्बिर शेयर गर्दै सन्दीपले लेखेका यस्तो बताएका हुन् । उनले लेखेका छन्, ‘मैदानमा प्रतिस्पर्धी र मैदानबाहिर साथी । रोहन मुस्तफा नेपालमा स्वागत छ ।’

सन्दीपले उनको नेपाल बसाइँको सुखद कामना पनि गरेका छन् । यसअघि सोमवार दुबई इन्टरनेशनल क्रिकेट स्टेडियममा खेलकै बीचमा सन्दीप र रोहन मुस्तफाबीच भनाभन नै भएको थियो ।

नेपालका केही समर्थकले यूएईको मैदानमा भएको सन्दीपसँगको सामान्य टसललाई लिएर आलोचना गरिरहेका बेला सन्दीप आफैँले रोहनको स्वागतसमेत गरे ।