सन्दीपको तर्फबाट वरिष्ठ अधिवक्ता रमन श्रेष्ठ, अधिवक्ता सरोजकृष्ण घिमिरेका साथै सरकारको तर्फबाट सहन्यायधिवक्ता सञ्जीवराज रेग्मीसहितले बहस गरेसँगै सुनुवाइ सकिएको हो ।

लामिछानेको तर्फबाट आइतबार सर्वोच्च अदालतमा आईसीसी क्रिकेट विश्वकप लिग–२ खेल्न यूएई जान पाउनुपर्ने मागको निवेदनमा बहस सुरु भएको थियो । यससँगै आजै इजलासबाट आदेश सुनाउने तयारी गरेको छ ।

गत असोज २० मा प्रहरी समक्ष आत्मसर्मपण गरेका उनी उच्च अदालत पाटनको आदेशसँगै गत २९ पुसमा २० लाख धरौटीसहित रिहा भएका थिए ।

सरकारी वकिलको तर्फबाट महान्यायाधिवक्ताको कार्यालयका सहायक न्यायाधिवक्ता सञ्जीवराज रेग्मीले जवाफी बहस गरे। न्यायाधीश सपना प्रधान मल्ल र कुमार चुँडालको संयुक्त इजलासमा सुनुवाइ सकिएपछि अब आजै आदेश आउने छ।