काठमाडौं । राष्ट्रिय प्रजातन्त्र पार्टी नेपालका अध्यक्ष कमल थापाले स्रोत नखुलेको सम्पत्ति वैद्य बनाउन सरकारले ऐन संशोधन गर्न लागेको भन्दै विरोध जनाएका छन् ।

सामाजिक सञ्जालमार्फत राप्रपा नेपालको अध्यक्ष थापाले ऐन संशोधन गरेर स्रोत नखुलेको सम्पत्ति वैद्य बनाउनु भनेको भ्रष्टाचार र ब्रम्हलुटलाई वैधता दिन खोजिएको बताएका हुन ।

उनले लेखेका छन् ‘देश अहिले भ्रष्टाचारको महारोगबाट अक्रान्त छ । यसैबिच स्रोत नखुलेको सम्पति वैध बनाउन सरकारले ऐन संशोधन गर्न खोज्नु भ्रष्टाचार र ब्रम्हलुटलाई वैधता दिने षड्यन्त्र हो ।’

यस्तै उनले केही कर तिरेको भरमा भ्रष्टाचार र भ्रष्टाचारीलाई उन्मुक्तिदिनु अपराध भएको टिप्पणी गरे । यस्तो कार्य हुन नदिन सम्बद्ध सबैमा आग्रह गर्दछु, उनले सामाजिक सञ्जालमा उल्लेख गरेका छन् ।