काठमाडौं । मंसिर ४ गते सम्पन्न प्रतिनिधिसभा र प्रदेशसभा निर्वाचनको मतपरिणाम आउन तीन क्षेत्रको मात्र बाँकी रहेको छ ।

मतगणना भईरहेको दोलखा, बाजुरा र स्याङजा २ को मतपरिणाम आउन बाँकी रहेको छ ।

अन्य क्षेत्रको शुक्रबार बिहान १० बजेसम्म १६५ क्षेत्रमध्ये १६२ क्षेत्रको अन्तिम परिणाम सार्वजनिक भइसकेको छ ।

जसमा नेपाली कांग्रेसले ५५ स्थानमा जित हासिल गरेको छ भने नेकपा एमालेले ४४ स्थानमा जित हासिल गरेको छ।

यस्तै, माओवादी केन्द्रले १७ स्थान र नेकपा एकीकृत समाजवादीले १० स्थान जितेको छ । राष्ट्रिय स्वतन्त्र पार्टी, राष्ट्रिय प्रजातन्त्र पार्टी र जनता समाजवादी पार्टीले समान ७–७ स्थानमा जित हासिल गरेको छ ।

मंसिर ४ गते विवादका कारण मतगणना र मतदान रोकिएको क्षेत्रमा बिहीबारदेखि मतणना जारी छ । जहाँ तीन स्थानमध्ये कांग्रेसले २ क्षेत्रमा अग्रता लिएको छ भने माओवादीले १ क्षेत्रमा अग्रता लिएको छ ।

बाजुरामा भने मतगणना रोकिएको छ। बिहीबारदेखि मात्र मतगणना सुरु गरिएकोमा आज बिहानबाट विवादका कारण पुन: मतगणना रोकिएको छ।

हिमाली गाउँपालिका–६ स्थित धिम मतदान केन्द्रमा गरिएको मुचुल्काभन्दा ४० मत बढी भेटिएपछि मतगणना रोकिएको जनाइएको छ। नेकपा एमालेका प्रतिनिधिले विरोध गरेपछि मतगणना रोकिएको छ।