विराटनगर । मोरङ जिल्लाका तीन क्षेत्रको मतगणना दिउँसो देखि मात्र मतगणना शुरु हुने भएको छ ।

सोमबार बिहान बसेको तीनवटै निर्वाचन क्षेत्रको संयुक्त सर्वदलीय बैठकबाट १ बजेदेखि एकैपटक मतगणना सुरु गर्ने सहमति भएको मुख्य निर्वाचन कार्यालय अधिकृतको कार्यालय विराटनगरका सूचना अधिकारी हेमबहादुर बुढाथोकीले जानकारी दिए ।

त्यसैगरी क्षेत्र नम्बर १ र २ को मतगणनाका लागि सर्वदलीय बैठक बसिरहेको जनाइएको छ ।

गएराति १ बजेसम्म मतपेटिका संकलन गरिएको थियो । मतपेटिका भण्डारण गरिएको कोठाहरूलाई सिलबन्दी गरी कडा सुरक्षा घेराभित्र राखिएको छ ।