काठमाडौं । नेपाली कांग्रेस नेता शशांक कोइराला बेहोस भएका छन् ।

कोइराला नवलपुरको अमरापुरीमा आइतबार आयोजित चुनावी कार्यक्रममा सहभागी हुँदै गर्दा बेहोस भएका हुन् ।

कोइरालालाई उपचारका लागि चितवन मेडिकल कलेज लगिएको उनका स्वकीय सचिव भरत तिवारीले जानकारी दिए ।
कोइरालाको होस फर्किसकेको र अवस्था सामान्य रहेको बताइएको छ ।

आगामी मंसिर ४ गतेको चुनावका लागि कोइराला नवलपुर क्षेत्र नम्बर १ मा सत्ता गठबन्धनका तर्फबाट प्रतिनिधि सभा सदस्य उम्मेदवार छन् ।