दार्चुला । दार्चुलाका बाढीपहिरो पीडितलाई आजदेखि राहत वितरण सुरु गरिने भएको छ ।

जिल्ला विपद् व्यवस्थापन समितिको आइतबार बिहान (आइतबार) बसेको बैठकले राहत वितरण गर्ने निर्णय गरेको हो ।

अविरल वर्षासँग शुक्रबार रातिदेखि आएको पहिरो र बाढीले जिल्लाको महाकाली नगरपालिका र नौगाड गाउँपालिकामा ठूलो जनधनको क्षति पुर्‍याएको छ।

हालसम्म ५ जनाको शव फेला परेको छ भने १० जना बेपत्ता छ। पहिरोमा परी ८ जना घाइते भएका छन् । ८ जना घाइते मध्ये पाँचजनाको उपचार भइरहेको छ भने ३ जना डिस्चार्ज भइसकेका छन् ।