काठमाडौँ । प्रहरीको सहयोगमा काठमाडौँबाट फोहोरका गाडीहरू बञ्चरेडाँडा पुगेका छन् । बिहीबार काठमाडौँ महानगरपालिका, नेपाल ट्रिपर तथा ट्रक व्यवसायी समिति र समानान्तर ग्रुपको ६० वटा फोहोरको गाडी सिसडोल तर्फ गएको थियो ।

फोहोर गाडीहरु बिना अवरोध बञ्चरेडाँडा डाँडा पुगेको काठमाडौँ महानगरपालिकाका प्रवक्ता नवीन मानन्धरले जानकारी दिए ।

उनले सर्वदलीय मिटिङ पनि बसिरहेकाले अवरोध हट्ने विश्वास व्यक्त गरे । बिहानै केही समय बुधबार पक्राउ परेका स्थानीयलाई छोड्न माग गर्दै उनीहरूले फोहोर बोकेका गाडी बाटोमै रोकेका पनि थिए ।