काठमाडौं । नेकपा एमालेको सांसद भीम रावलले देशको न्यायपालिका, व्यवस्थापिका र कार्यपालिकामा विकृतिको थुप्रो लागेको बताएका छन्।

प्रतिनिधिसभा बैठकमा आज प्रधानन्यायाधीश चोलेन्द्र शमशेर जबराविरुद्ध दर्ता भएको महाभियोगको प्रस्तावमाथि छलफलको क्रममा तथ्यको आधारमा अघि बढ्नुपर्ने बताएका हुन्।

उनले कुनै व्यक्तिलाई पनि संविधान न कानुन बाहिर जाने अधिकार नहुने बताए। न्यायपालिकाको बिषयमा उठेको प्रश्नमा तथ्यको आधारमा आवश्यक कदम चाल्नुपर्ने बताए।

देशको हितअनुसार सोच्नुपर्ने भएकाले सम्बन्धित समितिले छानविन गरेपछि मात्रै गहन छलफल हुने बताए।