तेह्रथुम । फलामको मुस्ली प्रहार गरी आफ्नै बाबुको हत्या गरेको आरोपमा एकजना पक्राउ परेका छन् ।

पक्राउ पर्नेमा तेह्रथुमको म्याङलुङका २४ वर्षीय टंक बहादुर भण्डारी रहेका छन् ।

उनले हिजो बिहान बाबु ५३ वर्षीय भक्त बहादुर भण्डारीलाई घरायसी विवाद हुँदा धान कुट्ने फलामको मुस्लीले टाउकोमा प्रहार गरि शक्त घाइते बनाई भागी फरार भएका थिए ।

घाइते भक्त बहादुरको छथर अस्पताल शुक्रवारेमा उपचारको क्रममा हिजै मृत्यु भएको थियो।

वारदात पश्चात फरार रहेका टंकलाई प्रहरीले तेह्रथुम म्याङलुङ नगरपालिका पिङ्गुवा खोलाको पुल आसपासको एरियाबाट पक्राउ गरिएको प्रहरीले जनाएको छ । उनीमाथि थप अनुसन्धान भइरहेको बताइएको छ ।