एजेन्सी । अमेरिकाका पूर्व राष्ट्रपति डोनाल्ड ट्रम्पकी पहिलो श्रीमती इभाना ट्रम्पको निधन भएको छ । न्यूयोर्कस्थित घरमा उनी अचेत अवस्थामा फेला परेकी हुन् ।

इभानाको मृत्युपछि ट्रम्पले सामाजिक संजालमा लखेका छन्-उनी एक सुन्दर र अद्भुत महिला थिइन्। उनले महान र प्रेरणादायी जीवन बिताइन्। इभाना ७३ वर्षकी थिइन् ।

उनले इभानाप्रति श्रद्धाञ्जली व्यक्त गरेका छन् । ट्रम्प र इभानाको सन् १९७७ मा विवाह भएको थियो ।

त्यससमय इभाना चर्चित फेसन डिजाइनर, मोडल र मिडिया पर्सनालिटी थिइन्। सन् १९९२ मा उनीहरुको सम्बन्ध विच्छेद भएको थियो ।

ट्रम्प र इभानाका तीन वटा सन्तान छन् छन् । इभानाको मृत्युको कारण खुलेको छैन ।