कमल थापाले भने - नेपालमा प्रदेश सरकारको आवश्यकता छैन

कास्की । राप्रपा नेपालका अध्यक्ष कमल थापाले नेपालमा दुई तहको सङ्घीय संरचना आवश्यक रहेको बताएका छन् ।

राप्रपा नेपाल गण्डकीले आज सोमवार पोखरामा आयोजना गरेको पत्रकार सम्मेलनमा थापाले यस्तो बताएका हुन् ।

केन्द्रीय सरकार बलियो र पालिकाले पर्याप्त अधिकार पाएका कारण प्रदेश सरकारको आवश्यकता नरहेको उनले बताए ।

जनताबाट प्रत्यक्ष निर्वाचित प्रधानमन्त्री र पूर्ण समानुपातिक निर्वाचन प्रणाली अवलम्बन गर्नुपर्ने समेत उनको भनाई छ ।

अध्यक्ष थापाले गणतन्त्र स्थापनापछिको १५ वर्षको अनुभवलाई हेर्दा नेपाललाई पूर्ण धार्मिक स्वतन्त्रता, समानतासहितको हिन्दू राष्ट्र बनाउनुपर्ने बताए ।

प्रतिक्रिया दिनुहोस्

नयाँ अपडेट