काठमाडौं । बैकिङ कसुर मुद्दाका फरार प्रतिवादी पक्राउ परेका छन् ।

पक्राउ पर्नेमा काठमाडौंको कागेश्वरिमनोहरा घर भई हाल शंखरापुर बस्दै आएका ४८ बर्षीय रामेश्वर चौलागाई रहेका छन् ।

उच्च अदालत पाटनबाट गत बैशाख ४ गते बैकिङ कसुर मुद्दामा एक करोड रूपैयाँ जरिवाना र १ महिना कैद सजाय सुनाइएका चौलागाई फरार रहेका थिए ।

उनलाई काठमाण्डौ उपत्यका अपराध अनुसन्धान कार्यालयबाट खटिएको टोलीले भिमसेनगोलाबाट पक्राउ गरी थप अनुसन्धानको लागि काठमाडौं जिल्ला अदालत पठाएको छ ।