काठमाडौं । नेपाल प्रहरकिो प्रहरी महानिरीक्षक (आईजीपी) नियुक्तिविरुद्ध सर्वोच्च अदालतमा परेको रिटको सुनुवाइ बुधबार हुने भएको छ ।

आईजीपी नियुक्तिविरुद्ध प्रहरी अतिरिक्त महानिरीक्षक (एआईजी) विश्वराज पोखरेलले दायर गरेको रिटमा बुधबार सुनुवाइ हुने भएको हो ।

पोखरेलले वरिष्ठता र कार्यसम्पादन मूल्यांकनमा आफू अगाडि रहेको भन्दै धिरजप्रताप सिंहलाई प्रहरी महानिरीक्षक नियुक्ति गर्नु कानुनविपरीत रहेको दावीसहित रिट दायर गरेका हुन् ।

सोमबार बसेको मन्त्रिपरिषद बैठकले धिरजप्रताप सिंहलाई नेपाल प्रहरीको प्रमुख नियुक्त गरेको थियो ।

नवनियुक्त प्रहरी प्रमुख सिंहले आज दर्ज्यानी चिन्ह लगाइसकेका छन् भने कार्यभार समेत सम्हालिसकेका छन् ।