काठमाडौं । उदयपुरमा आगलागीमा हुँदा एक जनाको मृत्यु भएको छ । भने ७ घर जलेर नष्ट भएका छन् ।

आइतवार साँझ भएको आगलागीमा उदयपुरगढी गाउँपालिका– १ शिखरपुरमा घरमा आगो लाग्दा स्थानीय ६८ वर्षीया शिवमाया मगरको मृत्यु भएको प्रहरीले जनाएको छ ।

आगलागी स्थानीय ओमबहादुर मगरको घरबाट शुरू भएको थियो भने नजिकका अन्य ६ घर पनि जलेका छन् ।

आगलागीबाट भैरबबहादुर ग्राङ्जा मगर, पदमबहादुर ग्राङ्जा मगर, यम्बरबहादुर ग्राङ्जा मगर, दिपबहादुर ग्राङ्जा मगर, धनमाया ग्राङ्जा मगर, शेरबहादुर ग्राङ्जा मगर र ओमबहादुर ग्राङ्जा मगरको घरगोठ जलेर नष्ट भएको जिल्ला प्रहरी कार्यालय उदयपुरले जनाएको छ।

आगलागीमा दर्जनौँ पशु चौपाया पनि जलेर मरेका छन्। आगलागीबाट लाखौँको क्षति भएको अनुमान गरिएको छ।