काठमाडौँ । अमेरिकाका पूर्वराष्ट्रपति बाराक ओबामालाई कोरोना भाइरस संक्रमण पुष्टि भएको छ ।

ओबामाले सामाजिक सञ्जाल ट्वीटरमा ट्विट गर्दै आफूलाई कोरोना पुष्टि भएको जानकारी दिएका हुन् ।

‘मेरो कोभिड परीक्षण पोजेटिभ आएको छ । केही दिनदेखि मेरो घाँटी दुखेको थियो तर म ठीक महसुस गर्दैछु,’ओबामाले ट्विट गर्दै भनेका छन्, ‘मिशेल र म खोप र बूस्टरको लागि कृतज्ञ छौं र मिशेलको परीक्षण नकारात्मक आयो । यदि तपाईंले खोप लगाउनुभएको छैन भने लगाउनुहोस्।’

ट्वीटपछि भारतीय प्रधानमन्त्री नरेन्द्र मोदीले ओबामाको शीघ्र स्वास्थ्यलाभको कामना गरेका छन् । “कोभिड-१९ बाट शीघ्र स्वास्थ्य लाभको कामना र तपाईंको परिवारको सुस्वास्थ्य र सुस्वास्थ्यको कामना।” मोदीले ट्वीट गर्दै भनेका छन्।

My best wishes @BarackObama for your quick recovery from COVID-19, and for your family’s good health and wellbeing. https://t.co/mCrUvXlsAp

— Narendra Modi (@narendramodi) March 14, 2022