काठमाडौं । सरकारले देशको अर्थतन्त्र जटिलतातर्फ अघि बढेको भन्दै पेट्रोलियम पदार्थको खपत घटाउन सवारी साधनमा जोर-बिजोर प्रणाली लागू गर्ने तयारी गरेको छ।

पछिल्लो समय सरकारले पेट्रोलियम पदार्थको खपत घटाउन इन्धनमा कोटा तोक्ने, सवारी साधनमा जोर-बिजोर प्रणाली लागू गर्नेदेखि भारतीय सवारीलाई पेटोलियम पदार्थ भर्न नदिनेसम्मको तयारी गरेको स्रोतको भनाइ छ ।

अर्को पनि पढ्नैपर्ने

इन्धनमा कोटा तोक्न, सवारीमा जोर-बिजोर लगाउन र भारतीय सवारीलाई इन्धन भर्न नदिन संसदिय समितिको निर्देशन

यसअघि बुधबार बसेको प्रतिनिधिसभा अन्तर्गत उद्योग तथा वाणिज्य र श्रम तथा उपभोक्ता समितिको बैठकले इन्धनको बढ्दो मूल्यका कारण देशको अर्थतन्त्र जटिलता तर्फ अघि बढेको भन्दै सरकारलाई पेट्रोलियम पदार्थको खपत घटाउन निर्देशन दिएको थियो ।

बढ्दो मूल्यकै कारण पेट्रोलियममा दैनिक सवा अर्ब रुपैयाँ बाहिरिन थालेपछि खपत घटाएर अर्थतन्त्र जोगाउन यस्ता निर्देशन दिइएको समितिका सभापति बिमल श्रीवास्तवको भनाइ थियो।

अर्को पनि पढ्नैपर्ने

१५० पुग्यो पेट्रोलको मूल्य, १२ दिनमै दुई पटक मूल्यवृद्धि

अर्को पनि पढ्नैपर्ने

प्रहरीकै मिलेमतोमा साइकलमा भारततर्फ पेट्रोलियम पदार्थको तस्करी, स्थानीय उपभोक्ता मारमा