काठमाडौं । सरकारले स्थानीय तहको निर्वाचनको मिति घोषणा गरेकोमा राष्ट्रिय प्रजातन्त्र पार्टीले स्वागत गरेको छ ।

राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङदेनले सोमबार सामाजिक सञ्जालमार्फत वैशाख ३० मा चुनाव गर्ने सरकारको निर्णय स्वागतयोग्य भएको प्रतिक्रिया दिएका छन् ।

उनले लेखेका छन्, ‘स्थानीय तहको आवधिक निर्वाचन आगामी बैशाख ३० गते गर्ने निर्णय स्वागत योग्य छ।

स्थानीय तहको निर्वाचन तयारीमा युद्ध स्तरमा जुट्न राप्रपाका सबै तहका नेता कार्यकर्ताहरुमा आह्वान गर्दछु।’