काठमाडौं । आज मन्त्रिपरिषद्को बैठक बस्ने भएको छ । आज बस्ने मन्त्रिपरिषद्को बैठकले सम्भवतः स्थानीय तह निर्वाचनको मिति घोषणा गर्ने छ ।

निर्वाचनको मिति घोषणा गर्न चौतर्फी दबाब परिरहेकोलाई समेत मध्यनजर गरी आज बस्ने बैठकले निर्वाचनको मिति तोकिन सक्ने बताइएको छ ।

निर्वाचन आयोगले सिफारिस गरेको मितिमा चुनाव सम्पन्न गर्ने सरकारको तयारी छ । आयोगले स्थानीय तह निर्वाचन गर्न जेठ ४ गते बुधबारको दिन ७ सय ५३ तहमा एकैपटक निर्वाचन गर्ने प्रस्ताव गरेको छ ।

मन्त्रिपरिषद्बाट मिति तोक्नका लागि आयोगले निर्णयका गृह मन्त्रालयमार्फत राय पनि पठाइसकेको छ ।