काठमाडौं । स्याङ्जाको विरुवा गाउँपालिका ३ धोवादीस्थित भित्रि सडकमा जीप दुर्घटना हुदाँ चालकसहित दुई जनाको मृत्यु भएको छ।

जीप खसेको खबर पाएपछि पुगेको प्रहरीले जीपर्म रहेका २ जनालाई मृत फेला पारेको हो । सोही गाउँपालिका खाली निवासी जीप चालक २६ वर्षीय बेलबहादुर थापा र ३२ वर्षीय भेषबहादुर थापाको मृत्यु भएको स्याङ्जा प्रहरीले जनाएको छ ।

प्रहरीका अनुसार विरूवाबाट खालीतर्फ जाँदै गरेको ग१ज ५९३९ नम्बरको सो जीप सडकदेखि करिब ५ सय मिटर तल खसेको थियो।

यसअघि गएराताी प्यूठानमा बेहुला बेहुलीसहित जन्ती बोकेको जीप दुर्घटना हुँदा ८ जनाले ज्यान गुमाएका थिए ।