सल्यान । अटो दुर्घटना हुँदा सल्यानमा एक जनाको ज्यान गएको छ ।

जिल्लाको त्रिवेणी गाउँपालिका स्थित लुहामबाट टुनिबोटतर्फ जाँदै गरेको रा १ त ५०२२ नम्बरको अटो दुर्घटना हुँदा चालक त्रिवेणी गाउँपालिका ५ मुला बारीका टेक बहादुर विकको मृत्यु भएको हो ।

राप्ती राजमार्गमा शनिबार दिउँसो दुर्घटनामा घाइते भएका विकको उपचारको क्रममा सल्यान जिल्ला अस्पतालमा मृत्यु भएको जिल्ला प्रहरी कार्यालय सल्यानले जनाएको छ ।

अनियन्त्रित भई सडकबाट करिब ५० मिटर तल अटो खसेको थियो ।