काठमाडौं । एकै पटक आफ्ना कर्मचारीहरुको तलब र सुविधाहरु ४० प्रतिशतसम्मको बृद्धि गरेर उदाहरणीय काम गरेको एनआइसी एशिया बैंकले विभिन्न सुविधासहितको प्रिपेड डलर कार्ड वितरण गरिरहेको छ ।

विभिन्न विशेषता भएका डलर कार्डमा पहिलो पटक निःशुल्क पैसा लोड गर्न सकिने बैंकले जनाएको छ । उक्त कार्डमार्फत वर्षभरिमा एक पटक वा पटक–पटक गरी ५०० अमेरिकी डलर बराबरको कारोबार गर्न सकिन्छ ।

तीनसय ५० रुपैयाँ आवेदन शुल्क लिएर कार्ड प्रदान गरिरहेको बैंकले डलर कार्डबाट कारोबार गर्दा अतिरिक्त शुल्क नलाग्ने जनाएको छ ।
डलर कार्ड लिन एनआईसी एशिया बैंकमा खाता हुनुपर्ने र खाता भएकाहरुको केवाईसी अपडेट भएको हुनुपर्ने बैंकले जनाएको छ ।

त्यसैगरी डलर कार्ड लिनका लागि प्यान कार्ड भने अनिवार्य चाहिन्छ ।

यसअघि बैंकले बचत खातामा समेत मुद्दति निक्षेप बराबरकै ब्याजदर दिने गरी ‘सर्वश्रेष्ठ बचत खाता’ योजना ल्याएको थियो ।

सर्वश्रेष्ठ बचत खातामा बैंकले विभिन्न सेवाहरूलाई पाँच वष सम्म निशुल्क दिने घोषणा गरेको छ । उसले डेबिट कार्ड, मोबाइल बैंकिङ्ग तथा इन्टरनेट बैंकिङ्गमा यस्तो सेवा दिएको हो । सर्वश्रेष्ठ बचत खाता खोल्ने ग्राहकले डेबिट कार्ड पाँच वर्ष सम्म निशुल्क प्रयोग गर्न पाउँछन् । त्यस्तै सूचना प्रविधिको प्रयोग बढेसँगै मोबाइल बैंकिङ्ग र इन्टरनेट बैंकिङ्गको प्रयोग बढ्दो छ ।मोबाइलबाट धेरै सेवादिन सकिने भएपछि बैंकहरूले पनि मोबाइल बैंकिङ्गलाई प्राथमिकतमा राखेका छन् ।