काठमाडौं । कोप–२६ मा भाग लिन स्कटल्यान्डको ग्लास्गोमा पुगेका प्रधानमन्त्री शेरबहादुर देउवा र समकक्षी भारतीय प्रधानमन्त्री नरेन्द्र मोदीबीच भेटवार्ता भएको छ।

प्रधानमन्त्री देउवाले पदभार ग्रहण गरेपछि पहिलो पटक मोदीसँग विदेशमाम भेटवार्ता गरेका हुन् । सो क्रममा दुबै देशका प्रधानमन्त्रीले घनिष्ठ द्विपक्षीय सम्बन्धलाई थप मजबुत बनाउने उपायबारे छलफल गरेका थिए।

जुन कुरा भारतीय प्रधानमन्त्री मोदीले ट्वीटरमार्फत जानकारी दिएका छन् । भेटवार्तामा जलवायु परिवर्तनको असर र कोभिड–१९ बारे पनि छलफल भएको थियो ।

प्रधानमन्त्रीद्वयले कोभिड–१९ को महामारीकाविरुद्ध मिलेर काम गर्ने प्रतिवद्धता व्यक्त गरेका छन् ।

कोप–२६ मा भारतीय प्रधानमन्त्री मोदीले भारत जस्ता विकासोन्मुख देशका लागि जलवायु परिवर्तन ठूलो चुनौती भएको बताएका थिए ।

यसअघि देउवा बेलायती प्रधानमन्त्री बोरिस जोन्सनले बोलाएको ब्रेकफास्ट बैठकमा सहभागी भएका थिए । त्यसक्रममा देउवाले नेपालले वन क्षेत्र बढाएर ४५ प्रतिशत पुर्‍याउने योजना रहेको बताएका थिए ।

प्रधानमन्त्री देउवाले श्रीलंकाका राष्ट्रपति गोटाभाया राजापाक्षसंग पनि भेट गर्दैछन् । देउवाले अमेरिकी राष्ट्रपति जो बाइडेनका जलवायु विज्ञ जोन केरीलगायतसँग पनि भेट्ने तालिका छ ।

PM @narendramodi met PM of Nepal @SherBDeuba today. In their first engagement since PM Deuba assumed office, the two leaders discussed ways to further strengthen our close bilateral ties.

Also discussed climate,COVID-19 & resolved to work together toward post pandemic recovery. pic.twitter.com/v2u1X3gkfj

— Randhir Jaiswal (@MEAIndia) November 2, 2021