काठमाडौं। नेपाली सेनाको उपरथीमा बढुवा भएका बाबुराम श्रेष्ठले  दज्र्यानी चिन्ह लगाएका छन् ।  बुधवार प्रधानसेनापति प्रभुराम शर्माले सैनिक मुख्यालय भद्रकालीमा श्रेष्ठलाई दज्र्यानी चिन्ह प्रदान गरेका हुन ।

सोमबार बसेको मन्त्रीपरिषदको बैठकले श्रेष्ठलाई उपरथीमा बढुवा गर्ने निर्णय गरेको हो । श्रेष्ठ २०४४ मंसिर ९ गते नेपाली सेनामा सैनिक क्याडेटका रुपमा भर्ना भएका थिए । पाकिस्तानबाट एनडीसी गरेका उनि २६ बेसिकका अधिकृत हुन ।

श्रेष्ठ २७ नम्बर बाहिनीको बाहिनीपति हुंदा भर्ना छनौटको विषयलाई लिएर तत्कालिन प्रधानसेनापति पूर्णचन्द्र थापाले उनीमाथी पुर्वाग्रह राखेर कारवाही गरेका थिए ।  उनी त्यसपछि उनी दुई तारे हुनबाट बन्चित भएका थिए । तर, हालका प्रधानसेनापति शर्मा आएलगत्तै उनको बढुवा प्रक्रिया अघि बढाएका थिए ।

उपरथीमा बढुवासंगै श्रेष्ठ  तीन तारे जर्नेल हुने सम्भावना रहेको सैनिक स्रोतको भनाइ छ ।

श्रेष्ठलाई मध्य कमाण्ड पोखराको सेनापतिको जिम्मेवारी दिएको छ । पोखरामा उनकै ब्याचका उपरथी विनयविक्रम राणा कमाण्डर थिए । राणाको सरुवा भने राष्ट्रिय सुरक्षा परिषदको सचिवालयमा भएको छ ।