Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । नेकपा एमाले अध्यक्ष केपी शर्मा ओलीले नेपाल बिद्युत् प्राधिकरणको कार्यकारी निर्देशकमा कुलमान घिसिङलाई नियुक्त गरिएकोमा विरोध गरेका छन् ।
मंगलबार पोखरामा आयोजित वृहत कार्यकर्ता भेलामा एमाले अध्यक्ष ओलीले भने–‘हकका साथ पुगेको मान्छेलाई गैरकानुनी ढंगले हटाइएको’ आरोप उनले लगाए ।
लोडसेडिङ अन्त्य गरेका घिसिङलाई प्राधिकरणमा नियुक्ति गरिएकोप्रति सरकारको प्रशंसा भइरहेका बेला नेकपा एमाले भने त्यसविरुद्ध लागेको छ । ओलीले कुलमान घिसिङले खरिद गरेका ट्रान्सफर्मर बिग्रिएको र हेटौंडा ट्रान्सफर्मरकै सहर बनेको पनि बताए ।
ओली नेतृत्वको सरकारले घिसिङको चार वर्षे समयावधि सकिएपछि हितेन्द्रदेव शाक्यलाई कायममुकायम हुँदै प्रमुख कर्यकारी निर्देशक बनाएको थियो । सरकार परिवर्तन भएसँगै शाक्यलाई हटाएर पुनः घिसिङलाई नै प्राधिकरणको जिम्मा दिइएको छ ।
शेरबहादुर देउवा नेतृत्वको सरकारले कानून मिचेर घिसिङलाई नियुक्त गरेको भन्दै शाक्यले सर्वोच्च अदालतमा मुद्दा दायर गरेका छन् । उक्त मुद्दा सर्वोच्चमा विचाराधिन छ । यस्तो बेला प्रमुख प्रतिपक्ष दलका अध्यक्ष ओलीले पनि सरकारले उक्त कार्यप्रति विरोध जनाएका हुन् ।
© 2026 All right reserved to onlinenepal.com
Design & Developed By
