काठमाडौं। नेपाल कम्युनिष्ट पार्टी (नेकपा) माओवादी केन्द्रको स्थायी समिति बैठक स्थगित भएको छ।

आज दिउँसो ३ बजे पेरिसडाँडामा बस्न  तय गरिएको बैठक आन्तरिक तयारीका लागि भन्दै स्थगित भएको पार्टी प्रवक्ता नारायणकाजी श्रेष्ठले ।आजको बैठकबाट सरकारमा सहभागी मन्त्रीको नाम टुंगो लगाउने तयारी थियो । यसअघि आइतबार पनि पार्टीको स्थायी समिति बैठक बसेको थियो।

कांग्रेस सभापति शेरबहादुर देउवा नेतृत्वको वर्तमान सरकारमा माओबादीको तर्फ़बाट हाल जनार्दन शर्मा र पम्फा भुसाल मन्त्री छन्। शर्माले अर्थ मन्त्रालय र भुसालले ऊर्जा मन्त्रालयको जिम्मेवारी पाएका छन् । माओवादीले अझै सात मन्त्रालय पाउने सम्भावना रहेको नेताहरुको दाबी छ।

यस्तै, हाल सरकारमा कांग्रेसको तर्फबाट गृहमन्त्री बालकृष्ण खाँण, कानुनमन्त्री ज्ञानेन्द्रबहादुर कार्की स्वास्थ्य राज्यमन्त्री उमेश श्रेष्ठ छन् । गत असार २९ गते प्रधानमन्त्री नियुक्त भएका देउवाले अझै पनि मन्त्रिपरिषद विस्तार गर्न सकेका छैनन्।