बुटवल। लुम्बिनी प्रदेश सभाको आइतबार बसेको बैठक विपक्षी गठबन्धनले बहिस्कार गरेको छ ।

बैठकमा विपक्षी गठबन्धनमा आवद्ध दलहरुलेअल्पमत परेको सरकारले ल्याएको बजेट पास हुन नदिने भन्दै बहिस्कार गरेका हुन् ।

यसअघि गत असार १ गते लुम्बिनी प्रदेश सरकारले आर्थिक वर्ष २०७८/०७९ को बजेट प्रस्तुत गरेको थियो ।

तर, आज बैठक सुरु हुनासाथ विपक्षी दल नेपाली काँग्रेसका वीरेन्द्र कनौडियाले सरकार अल्पमतमा परेको भन्दै त्यस्तो सरकारले ल्याएको बजेट पास हुन नदिने बताए ।

त्यसपछि काँग्रेस, माओवादी र जसपा सांसदहरु बैठकबाट बाहिरिएका थिए।