Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
पश्चिम नवलपरासी । पाँच नम्वर प्रदेश कार्यालय अन्तर्गतका भारतसँग जोडिएका सीमामा नेपाल प्रहरीको सेटिङमा हुने गरेको तस्करीमा शशस्त्र प्रहरीले अबरोध शुरु गरेको छ।
पश्चिम नवलपरासी जिल्लाको प्रतापपुर गाउँपालिका ८ पिपरपातीबाट पौष ५ गते एपीएफ टोलीले करीव ६ लाख २४ हजार रुपैयाँ बराबरको चोरी निकासीको रेडबुल बरामद गरेको छ ।
स्रोतका अनुसार नवलपरासी (पश्चिम)का प्रहरी प्रमुख अजय केसीले प्रदेशका हाकिमको संकेत पाएपछि तस्करीलाई निर्वाध रुपमा सँचालन गर्न दिएका छन्।
लु १ च २०५५ नम्बरको पिकअप गाडीमा राखी नेपालबाट अवैध रुपले भारततर्फ लैजाँदै गरेको उक्त रेडबुल सशस्त्र प्रहरी बल, नेपाल बोर्डर आउट पोष्ट गुठीप्रर्सौनीबाट खटिएको एपीएफ टोलीले बरामद गरेको हो । उक्त रेडबुल नेपाल प्रहरीकै सेटिङमा तस्करी भएको स्रोतको भनाइ छ।
एपीएफ टोलीले उक्त पिकअप गाडी समेत बरामद गरेको छ ।
बरामद रेडबुल तथा गाडी भन्सार कार्यालय महेशपुरमा बुझाईएको छ । उक्त गाडीको भन्सार दाखिला मुल्य १० लाख रुपैयाँ रहेको छ ।
यसअघि तस्करहरुले महेशपुर नाकाबाट सुपारी र केराउ भारततर्फ पठाउन थालेको सार्वजनिक भएको थियो ।
२०७७ साउन ३० मा एकैदिन १ लाख २६ हजार किलो हरियो केराउ बीरगंज र बाराबाट नलपरासीमा गएको बिलबिजक फेला परेका थिए ।
एक दिनमै साढे १ लाख किलो केराउ बीरगंज र बाराबाट नवलपरासी, भैरहवा र बीरगंजका नाममा गएको प्रमाण नै सार्वजनिक हुँदा समेत प्रदेश प्रहरीले कुनै छानविन नै नगरी तस्करलाई उन्मुक्ति दिएपछि प्रदेश प्रहरीमाथि शंका उब्जिएको थियो ।
© 2026 All right reserved to onlinenepal.com
Design & Developed By
