वीरगञ्ज । घरेलु तथा साना उद्योग कार्यालय बाराका सहयोगी १० हजार रुपैयाँ घुससहित पक्राउ परेका छन् ।

अख्तियार दुरुपयोग अनुसन्धान आयोगको कार्यालय हेटौंडाबाट खटिएको टोलीले करारमा कार्यरत कार्यालय सहयोगी खेमराज चौधरीलाई नियन्त्रणमा लिएको हो ।

होटल सञ्चालनका लागि अनुमति पत्र बनाइदिने बहानामा सेवाग्राहीसँग चौधरीले १० हजार रुपैयाँ घुस लिएको अख्तियारको कार्यालय हेटौंडाका सूचना अधिकारी शिवराज रेग्मीले जानकारी दिए ।